حجز شقق مشروع الياسمين
مشروع الياسمين من المشروعات التي بدأ الحجز بها الأحد الماضي 29 / 9 ويستمر حتى الحجز حتى 28 / 10، ويتم طرح شقق في كمبوند الياسمين بإجمالي 99 شقة بمساحات مختلفة تصل لـ 90 مترا، في منطقة جنوب الأحياء، بالقرب من طريق امتداد السنترال الرابط مع طريق المحور المركزي 1
وجاءت تفاصيل الشقق والحجز على النحو التالي:
– تم طرح شقق سكنية كاملة التشطيب في مشروع الياسمين بـ 6 أكتوبر بإجمالي 99 شقة، وينتهي الحجز في 28 أكتوبر المقبل.
– كراسة الشروط بـ 500 جنيه ويتم الحصول عليها من مقر جهاز مدينة 6 أكتوبر.
– سجل سعر المتر 8210 جنيه، وسجلت الشقة الـ 90 مترا، 738 ألف جنيه.
– وسجلت الشقة الـ 55 متر بـ 468 ألف جنيه
– يتم سداد مقدم حجز 50 ألف جنيه في بنك التعمير والإسكان.
– يتم تخصيص الشقق بالقرعة العلينة، بعد التخصيص يتم استكمال 20% من ثمن الوحدة ثم سداد 10% من ثمن الشقة عن الاستلام.
– ويتبقى 70% من ثمن الوحدة يتم السداد على 3 أو 5 أو 7 سنوات.
وجاء نظام سداد ثمن وحدة 55 مترا على النحو التالي:
– يتم سداد 50 ألف مقدم و500 جنيه مصاريف الكراسة، ثم استكمال سداد 20% من سعر الشقة خلال شهرين، حيث سيتم دفع 43 ألف و600 جنيه.
– كما سيتم سداد 7% وديعة صيانة قبل التعاقد، وهو ما يمثل 32 ألف، كما سيتم سداد و10% عند الاستلام وهو 46 ألف و400 جنيه.
الـ 70% من ثمن الوحدة المتبقيين هم 340 ألف جنيه.
النظام الأول: لو هنسدد الباقي على 3 سنوات، هيكون القسط الربع سنوي 28 ألف جنيه.
النظام التاني: لو هنسدد الباقي على 5 سنوات، هيكون القسط الربع سنوي 17 ألف جنيه.
النظام التالت: لو هنسدد الباقي على 7 سنوات، هيكون القسط الربع سنوي 12 ألف جنيه.
طريقة الحجز:
لو هنقدم علي شقة 90 متر ودي سعرها 738 ألف جنيه
هندفع 50 ألف مقدم و500 جنيه مصاريف دراسة، هندفع 20% من سعر الشقة خلال شهرين من وقت فوزك في القرعة العلنية، يعني 147 ألف و600 جنيه، دفعنا منهم 50 ألف يبقي المطلوب 97 ألف و600 جنيه، هنضيف عليهم 1% مصاريف إدارية يعني 7380 جنيه و0.5% لصالح مجلس الأمناء يبقى 3690 جنيه، يبقي كدا المطلوب كله 108 ألف و 670 جنيه.
هندفع كمان 7 % وديعة صيانة قبل التعاقد، يعني 51 ألف و 660 جنيه و10% كمان عند الاستلام يعني 73 ألف و800 جنيه، يبقي كل اللي هندفعه لحد ما نستلم 234 ألف جنيه.
738 ألف – 234 ألف = 504 ألف جنيه الباقي على 3 أنظمة برضو.
النظام الأول: لو هندفع الباقي علي 3 سنين، يكون علينا 12 قسط هيبقى مطلوب مننا في القسط الواحد (كل 3 شهور) 42 ألف جنيه، يعني الشهر واقف عليك 14 ألف جنيه.
النظام التاني: لو هندفع الباقي علي 5 سنين، بكده هيكون علينا 20 قسط، هيبقى مطلوب مننا في القسط الواحد 25 ألف و200 جنيه ( كل 3 شهور) يعني الشهر واقف عليك 8 آلاف و400 جنيه.
النظام التالت: طب لو هندفع الباقي علي 7 سنين، يبقي عندنا 28 قسط، مطلوب مننا كل 3 شهور 18 ألف جنيه، يبقي شهرك واقف 6000 جنيه.
