بالم هيلز بتقدم شقق بقسط 7 آلاف ومقدم 90 ألف في عدد كبير من المشروعات، العروض الجديدة أثارت الجدل خلال الساعات الماضية.
عروض شركة بالم هيلز بدأت من سداد 1.5% مقدم في بعض المشروعات ويصل لـ5% فقط وتقسيط بين 10 و12 سنة، وقسط شهري يتراوح بين 7 و10 آلاف جنيه، وهو ما زاد من التساؤلات حول أسعار الوحدات وهل هناك أي أقساط أو دفعات لم يتم الإعلان عنها أم لا،
حساب الأسعار والأقساط الخاصة بشقق بالم هيلز:
خلينا نبدأ بحساب سعر شقة من العروض اللي بتقدمها بالم هيلز فى مشروع بداية بمدينة 6 أكتوبر الجديدة، واللي الناس مبسوطة بيها وبالاقساط.
شقة مساحتها 111 متر، استلام بعد 4 سنين، سعرها 9 ملايين و500 ألف جنيه – يعني مش بكرة تدفع المقدم وتروح تاخذ المفتاح وتنقل فيها -.
طب ما سعرها حلو وكويس، (ناس تقولي كدا) أقوله تعالي نحسب الأقساط بتاعتها، وتعرف السعر المطلوب منك لكل سنة، لأن الأسعار تصاعدية وليست ثابتة.
السنة الأولي:
في شهر يناير من 2025، هدفع مقدم نسبته 1.5% من إجمالي قيمة الوحدة اللي هو 143 ألف جنيه، في شهر فبراير هندفع 1.5% تاني 143 ألف جنيه، في شهر مارس هندفع 0.12% من قيمة الوحدة يعني 11.461 جنيه، ومن شهر أبريل لشهر ديسمبر هيفضل القسط الشهري 11.461 جنيها، ولكن هنا بقا القسط المهم وهو في شهر ديسمبر العميل مطالب بدفع 4% من قيمة الوحدة اللي هو 382 ألف جنيه، يعني السنة الأولي مطلوب منك تدفع 525 ألف جنيه.
السنة الثانية:
هترفع نسب القسط، ليكون 14.327 جنيه بداية من شهر يناير حتي شهر نوفمبر، أما في شهر ديسمبر هيكون مطلوب من العميل إنه يدفع 4.25% من قيمة الوحدة، يعني 406 ألف جنيه.
السنة الثالثة:
الشركة هرتفع نسبة القسط الشهري، ليكون 18 ألف جنيه، بما يعادل 0.19% من قيمة الوحدة، ودا هيستمر معانا لحد شهر نوفمبر، ولكن هيكون مطلوب منك الدفعة السنوية اللي بتكون كل في شهر ديسمبر من كل سنة، واللي رفعت ووصلت لـ 430 ألف جنيه، أحسب الشهري مع الكلي هتلاقي الرقم.
السنة الرابعة: ( ودي من المفروض تسلم فيها الشقة علشان ترتاح من وجع القلب وتبطل تدفع ايجار برا علشان مستني تروح تستلم).
الشركة هترفع القسط الشهري، وبكدا مطلوب من العميل إنه يدفع 0.28% من قيمة الوحدة أي ما يعادل 27 ألف جنيه في الشهر، وهيبدأ من شهر يناير حتي نوفمبر، ويكون مطلوب منه في شهر ديسمبر نسبة 5% من قيمة الوحدة أي 454 ألف جنيه.
السنة الخامسة:
هترفع الشركة زي ما قولنا النسبة لتصل لـ 0.28% من قيمة الوحدة، يعني مطلوب قسط شهري 27 ألف جنيه، وهيستمر لحد شهر نوفمبر، وفي شهر ديسمبر مطلوب من العميل يدفع 5% من قيمة الوحدة 478 ألف جنيه.
السنة السادس:
القسط الشهري هيستمر زي السنة اللي قلبها، وهو 27 ألف جنيه لحد نهاية الـ 12 سنه، ولكن هترتفع النسبة اللي هتتدفع نهاية كل سنة، ودي بتكون فى السنة السادسة 5.2% من قيمة الشقة واللي بتكون 502 ألف جنيه.
السنة السابعة:
27000 × 11 = 297 ألف جنيه يضاف إليها دفعة ديسمبر بقيمة 525 ألف جنيه، يعني مطلوب منك فى السنة 822 ألف جنيه سنويا.
السنة الثامنة:
27000 × 11 = 297 ألف جنيه، يضاف إليها دفعة ديسمبر بـ 550 ألف جنيه، يعني مطلوب من العميل 847 ألف جنيه سنويا.
السنة التاسعة:
27000 × 11 = 297 ألف جنيه، يضاف إليها دفعة ديسمبر بـ 549 ألف جنيه، مطلوب إجمالي 846 ألف جنيه فى سنويا.
السنة العاشرة:
27000 × 11 = 297 ألف جنيه، يضاف الدفعة بتاعت شهر ديسمبر 597 ألف جنيه، يعني مطلوب 894 ألف جنيه في سنويا.
السنة الحادية عشر
27000 × 11 = 297 ألف جنيه، يضاف إليها دفعة ديسمبر بـ 621 ألف جنيه، يعني مطلوب 918 ألف جنيه سنويا.
السنة الثانية عشر:
27000 × 11 = 297 ألف جنيه، يضاف إليها دفعة ديسمبر بـ621 ألف جنيه، يعني مطلوب 918 ألف جنيه سنويا.
للعلم، الشركة بتطرح اشتراك النادي مع الشقة، بس معنديش معلومة هل هي اختيار أم اجباري، ولكن سعر العضوية 621 ألف جنيه، ودا بيضاف بيكون أقساط ربع سنوية، يعني كل 3 شهور مطالب بدفع 81 ألف جنيه.
شقق بالم هيلز الـ 50 متر
أما أقل وحدة والتي تتكون من غرفة واحدة يبدأ سعرها من 6 ملايين جنيه تقريبا، وتكون بمقدم 90 ألف جنيه وهو ما يمثل 1.5% من ثمن الوحدة ويكون القسط الشهري 9 آلاف تقريبا وهو قسط تصاعدي.
كما يتم سداد أقساط سنوية تقدر بـ 220 ألف جنيه.
